ಬಿಡಿಎ ಅಪಾರ್ಟ್‌ಮೆಂಟ್ ಕಾರ್ ಪಾರ್ಕಿಂಗ್ ನೋಂದಣಿ ಪ್ರಕ್ರಿಯೆ

BDA ಅಪಾರ್ಟ್‌ಮೆಂಟ್‌ಗಳ ಮಾಲೀಕರಿಗೆ ತಮ್ಮ ಹೆಸರಿಗೆ ಹಂಚಿಕೆಯಾಗಿರುವ ಪಾರ್ಕಿಂಗ್ ಸ್ಥಳವನ್ನು ಅಧಿಕೃತವಾಗಿ ನೋಂದಾಯಿಸಿಕೊಳ್ಳುವುದು ಬಹಳ ದಿನಗಳಿಂದ ಬಾಕಿ ಉಳಿದಿರುವ ವಿಷಯವಾಗಿತ್ತು. ಪಾರ್ಕಿಂಗ್ ಅಲಾಟ್‌ಮೆಂಟ್ ಲೆಟರ್ ಪಡೆದಿದ್ದರೂ, ನೋಂದಣಿ ಪೂರ್ಣಗೊಳಿಸಲು ಸಾಧ್ಯವಾಗದೆ ಅನೇಕ ಮಾಲೀಕರು ಕಾಯುತ್ತಿದ್ದರು.

ಇದೀಗ BDA ಈ ಪ್ರಕ್ರಿಯೆಯನ್ನು ಆರಂಭಿಸಿದ್ದು, ಪಾರ್ಕಿಂಗ್ ಸ್ಥಳದ ನೋಂದಣಿಗೆ ಅಗತ್ಯವಿರುವ Rectification Deed ಅನ್ನು ಮಾಡಿಕೊಡುವ ಪ್ರಕ್ರಿಯೆ ನಡೆಯುತ್ತಿದೆ.

BDA ನೀಡಿರುವ ಇತ್ತೀಚಿನ ಮಾಹಿತಿಯ ಪ್ರಕಾರ, ಮಾಲೀಕರಿಗೆ Parking Allotment Letter ನೀಡಲಾಗಿದ್ದರೆ, ಮೊದಲು ತಮ್ಮ e-Khataಯಲ್ಲಿ ಪಾರ್ಕಿಂಗ್ ವಿವರಗಳನ್ನು ನಮೂದಿಸಬೇಕು. e-Khataಯಲ್ಲಿ ಅಗತ್ಯ ಬದಲಾವಣೆ ಮಾಡಿದ ನಂತರ, BDA ನೀಡಿರುವ Parking Allotment Letter ಆಧಾರದ ಮೇಲೆ BDA Rectification Deed ಮಾಡಿಕೊಡಲಿದೆ. ಇದರ ಆಧಾರದ ಮೇಲೆ ಮಾಲೀಕರು ಪಾರ್ಕಿಂಗ್ ಸ್ಥಳದ ನೋಂದಣಿಯನ್ನು ಪೂರ್ಣಗೊಳಿಸಬಹುದು.

ಅಗತ್ಯವಿರುವ ದಾಖಲೆಗಳು

1. ಪಾರ್ಕಿಂಗ್ ನೋಂದಣಿಗಾಗಿ BDAಗೆ ಮನವಿ ಪತ್ರ
2. ಫ್ಲ್ಯಾಟ್ ಹಂಚಿಕೆ ಪತ್ರ
3. ಸ್ವಾಧೀನ ಪ್ರಮಾಣಪತ್ರ
4. ಪಾರ್ಕಿಂಗ್ ವಿವರಗಳನ್ನು ಒಳಗೊಂಡಿರುವ ಇ-ಖಾತಾ
5. ಕಾರ್ ಪಾರ್ಕಿಂಗ್‌ಗಾಗಿ ಪಾವತಿಸಿದ ಬ್ಯಾಂಕ್ ಚಲನ್/ರಸೀದಿ
6. ಬಿಡಿಎ (BDA) ಯಿಂದ ನೀಡಲಾದ ವಾಹನ ನಿಲುಗಡೆ ಸ್ಥಳ ಹಂಚಿಕೆ ಪತ್ರ
7. ಹಂಚಿಕೆದಾರರು/ಮಾಲೀಕರ ಆಧಾರ್ ಕಾರ್ಡ್
8. ನಾಲ್ಕು ಪಾಸ್‌ಪೋರ್ಟ್ ಅಳತೆಯ ಛಾಯಾಚಿತ್ರಗಳು
9. ಮಾರಾಟ ಪತ್ರದ ಪ್ರತಿ
10. ಇತ್ತೀಚಿನ ಋಣಭಾರ ಪ್ರಮಾಣ ಪತ್ರ

ಮೇಲಿನ ದಾಖಲೆಗಳನ್ನು ಫ್ಲಾಟ್ ಹಂಚಿಕೆ ವಿಭಾಗದ ಕೇಸ್ ವರ್ಕರ್ ಅವರಿಗೆ ಸಲ್ಲಿಸಬೇಕು.

ಸೂಚನೆ: ಬಿಡಿಎ (BDA) ಅಥವಾ ಉಪ-ನೋಂದಣಾಧಿಕಾರಿಯವರು ನಿಗದಿಪಡಿಸಿದ ಶುಲ್ಕಗಳನ್ನು ಸಂಬಂಧಪಟ್ಟ ಮಾಲೀಕರೇ ಭರಿಸಬೇಕು.